Nu Cori Ciangi

Sab, 15/08/2020 - 13:00

Ancôra ispirazioni a st’anni tardi,
mentri drittu vaju o meu declînu,
‘st ‘amâri duci messaggi comu dardi,
pungian’u me’ cori e u me’ destînu…

… fricci velenusi e duci d’i ricordi!

St’ispirazioni chi sunnu i toi disegni,
a ‘sta torturâta menti chi curtîvi
ancôra. Ed’ancôra cu mmia tu sempi regni
fin quandu ‘stu me’ cori sbatti e vvivi…

… si ssulu nu penzêru, tu a mmia degni!

E nno’n mmi fermu nô, ca tu mi ‘ngaggi,
penzând’a ‘lli carizzi e a ‘lli suspîri,
a ‘ll’anni mei virdi chi no ‘n furu saggi,
c’ ancôra risênti… pur’a ‘stu ‘nbrunîri?

U ciangiu no’n sacciu… ma ‘stu me’ cori ciangi!

‘Stu cori ciangi e no’n bbol’u senti
e ragiunati mei chi ffuru tanti,
u staci ccittu e cchjuni nommu ciangi,
e u suffri sulu ‘illu i soi turmênti…

… illu aspetta ca tu nu jornu cangi!

Peppe (Joe) Bumbaca
Toronto - Canada

Rubrica: 
Tags: 

Notizie correlate