Nu Figghju d’oru

Sab, 15/08/2020 - 12:30

P’a ttia nu figghju ê d’u to’ cori u hjuri,
finchê non cumandâtu d’a mugghjeri
p’a d’illa resta virdi… e p’a ttia ‘nduri
ca si scordâu i cunsigghj toi d’ajeri.

Tun’u criscîvi cu sacrifici e amûri
comu garompulu ‘i grasta ‘u bbivarâvi,
sparênu ‘nta n’ occhjata i toi dolûri
quandu dormîa e tuni ‘u ‘ccarizzavi.

P’o so’ futûru disegnâvi artûri
p’a cchjû arta cima ill’arrivâri,
e dd’i llâ ssupa u mantêni chill’anûri
chi dd’i so’ avi vinni a’rreditâri.

Spusând’a d’una chi ndavîa’u port’amûri
prima pe d’illu e poi pe’lli so’ cari
ma, lli bbontâti soi jiru’a mal’uri
ed’u rispettu soi com’ undi ‘i mari…

pigghjându ‘ndota cuntrata panzîsca
… m’arburâtu pilu fatt’apposta…
… pe’llarcâna forza limitând’a coscia…
… perdîvi: figghju, barca e tutt’a pisca!

Peppe (Joe) Bumbaca
Toronto-Canada

Rubrica: 
Tags: 

Notizie correlate